فەرزاد ڕەحمەتی و سیروان حەسەنی، دوو هاووڵاتیی خەڵکی سەقز، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزران.
بەپێی ڕاپۆرتی کۆلبەرنیوز، ڕۆژی شەممە ٢٥ی خەرمانانی ١٤٠٢، فەرزاد ڕەحمەتی و سیروان حەسەنی تەمەن ٤٠ ساڵ، دوو هاووڵاتی خەڵکی شاری سەقز، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزراون. بەپێی ئەم ڕاپۆرتە، هێزە ئەمنییەکان ئەم دوو هاووڵاتییەیان لە شەقامەکانی شاری سەقز دەستبەسەر کردووە و بۆ شوێنێکی نادیاریان بردوون.
جێگای ئاماژەیە کە هێزە ئەمنییەکان بەبێ فەرمانی دادگا ئەو هاووڵاتییانەیان دەستگیرکردووە. تا کاتی نووسینی ئەم هەواڵە هیچ زانیارییەک لەبارەی شوێنی مانەوە و تۆمەتی ئەو هاووڵاتییانە لەبەر دەستدا نییە.
