مێهران ساعدی، هاووڵاتییەکی خەڵکی سەقز، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازراوەتەوە.
بەپێی ڕاپۆرتی کۆڵبەرنیوز، ڕۆژی شەممە ٢٥ی خەرمانانی ١٤٠٢، مێهران ساعدی، هاووڵاتییەکی تەمەن ٢٩ ساڵ خەڵکی شاری سەقز، لەلایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزرا. بەپێی ئەم ڕاپۆرتە، هێزە ئەمنییەکان لە یەکێک لە شەقامەکانی شاری سەقز، مێهران ساعدییان دەستبەسەر کردووە.
هێزە ئەمنییەکان بەبێ دابینکردنی فەرمانی دادگا ئەم هاووڵاتییەیان دەستگیر کردووە، بەدواداچوونی ئەو بنەماڵەیە سەبارەت بە شوێن و بارودۆخی منداڵەکەیان سەرکەوتوو نەبووە.
تا کاتی نووسینی ئەم هەواڵە هیچ زانیارییەک لەسەر شوێنی مانەوە و تۆمەتی ئەم هاوڵاتییە نییە.
