لە ماوەی ڕۆژانی ڕابردوو و لە ماوەی دەستبەسەرە بەربڵاوەکانی ئەم دواییەدا، پێنج هاووڵاتیی دیکە لە لایەن هێزە ئەمنییەکانی شاری سەقزەوە دەستبەسەر و بۆ شوێنێکی نادیار گوازرانەوە.
بە پێی ڕاپۆرتی کۆڵبەرنیوز، لە ماوەی چەند ڕۆژی ڕابردوو و لە ماوەی دەستبەسەرە بەربڵاوەکانی ئەم دواییەدا، شاهۆ ساڵحی، کامیاب ئەسڵی، ئازاد مورادیان، ئەفخەم مورادیان و سامان پاشایی لە لایەن هێزە ئەمنییەکانی شاری سەقزەوە دەستبەسەر و بۆ شوێنێکی نادیار ڕاگوێزراون. تا کاتی نووسینی ئەم هەواڵە هێشتا هیچ زانیارییەک لەبارەی تۆمەت و شوێنی دەستبەسەرکردنی ئەو پێنج هاووڵاتییە نییە.
وێنەکە لەلای ڕاستەوە: کامیاب ئەسڵی، ئەفخەم مورادیان، سامان پاشایی، شاهۆ ساڵحی و ئازاد مورادیان
