موحسین شابۆیی، منداڵێکی تەمەن ١٤ ساڵانی خەڵکی گوندی “شاهوانە” سەربە شاری شنۆ، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.
بە پێی ڕاپۆرتی کۆڵبەرنیوز، لە ماوەی چەند ڕۆژی ڕابردوودا، موحسین شابۆیی، مێرمنداڵێکی تەمەن ١٤ ساڵانی خەڵکی گوندی “شاهوانە” سەربە شاری شنۆ، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازراوەتەوە. هێزە ئەمنییەکان بەبێ فەرمانی دادگا ئەم منداڵە تەمەن ١٤ ساڵەیان دەستبەسەرکردووە و تا ساتەوەختی نووسینی ئەم ڕاپۆرتە هیچ زانیارییەک لەبارەی هۆکاری دەستبەسەر کران و ئەو تۆمەتانەی ئاراستەی ئەم هاوڵاتیە کراوە لەبەردەستدا نییە.
