خالید مێماندۆست، هاووڵاتیی خەڵکی شاری مهاباد سەرەڕای تێپەڕبوونی زیاتر لە سەد ڕۆژ بەسەر دەستبەسەرکرانیدا، هێشتا بە بێ هەواڵی لە زیندانی ئەم شارە بەسەردەبات.
بەپێی ڕاپۆرتی کۆڵبەرنیوز، خالید مێماندۆست سەرەڕای تێپەڕبوونی زیاتر لە سەد ڕۆژ بەسەر دەستبەسەرکردنیدا، هێشتا بە بێ هەواڵی لە بەندی چواری زیندانی مهاباد بەسەردەبات.
ناوبراو لە کۆتاییەکانی ڕێبەندانی ١٤٠٢ لەلایەن هێزەکانی ئیتلاعانی سوپای پاسداران دەستبەسەرکرا و بۆ زیندانی ئەم ناوەندە ئەمنییە گواسترایەوە.
خالید مێماندۆست بۆ ماوەی سێ مانگ لە پێوەندی تەلەفونی و بینینی بنەماڵەکەی بێبەش بووە و دوای کۆتایی هاتنی پرۆسەی دادگا بۆ زیندانی مهاباد گواسترایەوە.
تا کاتی نووسینی ئەم ڕاپۆرتە لە هۆکارەکانی دەستبەسەرکران و تۆمەتەکانی دژی ناوبراو زانیارییەک لە بەردەستدا نییە.
