پاشنیوەڕۆی ڕۆژی یەکشەممە ١٩ی خەرمانانی ١٤٠٢، هێزە ئەمنییەکانی مەریوان هەڵیانکوتایە سەر کۆمەڵەی ژینگەپارێزی “سەوزی چیا”ی شاری مەریوان و ٣٥ ئەندامی ئەم کۆمەڵەیان دەستبەسەر کرد. زۆربەی ئەندامانی ئەم کۆمەڵەیە دوای چەند کاتژمێر لێپرسینەوە ئازادکران و تا ئێستاش سێ کەسی دیکەیان دەستبەسەرن و چارەنووسیان ناڕوونە.
بەپێی هەواڵی گەیشتوو بە کۆڵبەرنیوز، پاشنیوەڕۆی ڕۆژی یەکشەممە ١٩ی خەرمانانی ١٤٠٢، هێزە ئەمنییەکانی شاری مەریوان لە گوندی “نەچێ” سەر بە شاری مەریوان هەڵیانکوتایە سەر کۆمەڵەی ژینگەپارێزی “سەوزی چیا” و ٣٥ ئەندامی ئەم کۆمەڵەیان دەستبەسەر کرد .
جێگای ئاماژەیە کە زۆرینەی ئەندامانی ئەم کۆمەڵەیە درەنگانی شەوی ڕابردوو و دوای چەند کاتژمێرێک لە دەستبەسەر کردن و لێپرسینەوەیان ئازاد کراون و سێ کەسیان بە ناسناوی “کاوە داستان “کاوە کەریمیان” “مادیح خۆشناواز” تا ئێستا دەستبەسەرن.
تا ئێستا ناسناوی ١٧ ئەندامی دەستبەسەرکراوی ئەم کۆمەڵەیە پشتڕاست کراوەتەوە، کە بەم ڕیزبەندییەن: سالار ئازەری، کاوە داستان، کەمال کۆهنەپوشی، عەلی عینایەت، مادح خۆشنەواز، عەبدوڵڵا بێلواسی، کاوە کەریمیان، محەمەد ئەفسەری، جەماڵ قادری، شاهۆ تلوعی، هیوا بابایی، مادح هێمەتبلند، ناسح هێمەتبلند، لوقمان کۆهنەپوشی، سیروان مەلارەحیم، ، فەرهاد مەولودی.
