بێ ئاگایی و نەبوونی زانیاری لەبارەی چارەنووسی “یەدوڵڵا نادری”، جەوانی تەمەن ٣٢ ساڵی خەڵکی مەریوان، دوای دەستبەسەرکرانی لەلایەن هێزە ئەمنییەکانەوە.
بەپێی ڕاپۆرتی کۆڵبەرنیوز، زیاتر لە مانگێکە “یەدوڵڵا نادری” جەوانی تەمەن ٣٢ ساڵ خەڵکی شاری مەریوان لەلایەن هێزە ئەمنییەکانی ئەم شارە ڕفێندراوە و تا ئێستا هیچ زانیارییەک لە بارەی چارەنووس و شوێنی بوونی نییە.
سەرچاوەیەکی ئاگادار بە کۆلبەرنیوزی ڕاگەیاند کە بەدواداچوونەکانی بنەماڵەی ناوبراو تا ئێستا بێ ئەنجام بووە و کاتێک چوونەتە ئیدارەی ئیتلاعات و ئیلاعاتی سوپای ڕژیم لە شاری مەریوان پێیان ڕاگەیەندراوە کە ناوبراو لەلایەن ئەو دامەزراوانەوە دەستبەسەر نەکراوە، لەکاتێکدا دەستگیرکردنی “یەدوڵڵا نادری” “بەتەواوی پشتڕاستکراوەتەوە بۆ بنەماڵەکەی”.
بە لەبەرچاوگرتنی بەدواداچوونە بەردەوامەکانی بنەماڵە و بێ ئاگایی لە بارودۆخی ناوبراو، ئەگەری ئەوە هەیە کە بۆ بەدەستهێنانی دانپێدانانی زۆرەملێ لەلایەن دەزگا ئەمنییەکانەوە ئەشکەنجە بدرێت.
