ئەمیر ئەرژەنگی و سەتار ئەرژەنگی دوو هاووڵاتیی خەڵکی گوندی “نێ” سەر بە شاری مەریوان لەلایەن ئیدارەی ئیتلاعاتی شاری مەریوان دەستبەسەر کران.
بەپێی ڕاپۆرتی کۆڵبەرنیوز، ڕۆژی دووشەممە، ٦ی خەرمانانی ١٤٠٢، ئەمیر ئەرژەنگی تەمەن ٢٧ ساڵ و سەتار ئەرژەنگی تەمەن ٢٥ ساڵ، دوو هاووڵاتیی خەڵکی گوندی “نێ” سەر بە شاری مەریوان، لەلایەن ئیتلاعاتەوە دەستبەسەر کران. بەپێی ئەم ڕاپۆرتە، ئەمیر و سەتار ئەرژەنگی ڕۆژی شەممە ٤ی خەرمانانی ١٤٠٢ بە بانگهێشتنامەیەک بۆ ڕۆژی دووشەممە ٦ی خەرمانانی ١٤٠٢ بۆ ئیدارەی ئیتلاعاتی شاری مەریوان بانگهێشت کرابوون. ئەمیر و سەتار ئەرژەنگی، دوو هاووڵاتیی خەڵکی گوندی “نێ” سەر بە شاری مەریوان کە هاوکات ئامۆزان، پاش ئامادەبوون لەم دەزگا ئەمنییە دەستبەسەر کران.
تا کاتی نووسینی ئەم ڕاپۆرتە، هیچ زانیارییەک لەبارەی هۆکاری دەستبەسەرکردنەکە و ئەو تۆمەتانەی کە بۆ ئەو دوو هاووڵاتییە گەڕێندراوەتەوە، لەبەردەستدا نییە.
