عەلی دەورێشی و کوڕەکەی مەنسور دەروێشی دوای زیاتر لە چل ڕۆژ لە دەستگیرکردنیان تا ئێستاش لە ژێر دەستی دەزگا ئەمنییەکاندان و هیچ هەواڵێک لەبارەی چارەنووسیانەوە نییە.
بەگوێرەی زانیارییەکانی کۆڵبەرنیوز، عەلی دەروێشی تەمەن 52 ساڵ و مەنسور دەروێشی کوڕەکەی تەمەن 30 ساڵ کە هاوکات خێزاندارە و منداڵێکی هەیە، هێشتا دەستبەسەرن و دوای تێپەڕبوونی زیاتر لە 40 ڕۆژ بەسەر دەستگیرکردنیاندا هێشتا لە ژێر دەستی دەزگا ئەمنییەتییەکانی ڕژێمدان. سەرەڕای بەدواداچوونی دووبارەی بنەماڵەکانیان، هێشتا هیچ هەواڵێک لەبارەی بارودۆخی ئەوانەوە نییە، عەلی دەروێشی ڕۆژی هەینی ٢٢ی گوڵانی ١٤٠٢ لە ماڵەکەی خۆی لە گەڕەکی باغ شایگان لە شاری مەهاباد لەلایەن هێزە ئەمنییەکانەوە دەستبەسەر کرا و دوای یەک کاتژمێر مەنسوور دەروێشی بە هەمان شێوە دەستبەسەر کرا لە شوێنی کارەکەی لەلایەن هێزە ئەمنییەکانەوە.
دوای تێپەڕبوونی زیاتر لە ٤٠ ڕۆژ بەسەر دەستگیرکردنیان، تا ئێستا هیچ زانیارییەک لەسەر هۆکاری دەستگیرکردنیان و بارودۆخیان لەبەردەستدا نییە.
