کۆڵبەرێکی خەڵکی گوندی “کانی سپی” سەردەشت کە لە کاتی کۆڵبەریکردندا لە سنووری هەنگەژاڵەی بانە تووشی وەستانی دڵ ببوو، دوای مانەوەی ٦ ڕۆژ لە بەشی “ئای سی یو”ی نەخۆشخانەی بۆکان گیانی لەدەست دا.
بەپێی ڕاپۆرتی کۆلبەرنیوز، ڕۆژی هەینی ٢٧ی گەلاوێژی ١٤٠٢، حەسەن شەریفیان کۆڵبەری خەڵکی گوندی “کانی سپی” سەر بە شاری سەردەشت کە لە کاتی کۆلبەری کردندا لە سنووری هەنگەژاڵەی بانە تووشی وەستانی دڵ ببوو، پاش ٦ ڕۆژ لە بەشی “ئای سی یو”ی نەخۆشخانەی بۆکان گیانی لەدەست دا. بەپێی ئەم ڕاپۆرته، حەسەن شەریفیان له کاتی کۆلبەری له سنووری هەنگەژاڵەی بانه بەهۆی گوشار و دڵەڕاوکێوە تووشی وەستانی دڵ بووه و پاش گواستنەوەی بۆ ناوەنده پزیشکییەکانی بانه و بۆکان، دواجار ڕۆژی هه ینی دوای ٦ ڕۆژ ململانێ لەگەڵ مەرگدا گیانی له دەستدا.
بە پشتبەستن بەو ئامارانەی لە ٦ مانگی یەکەمی ساڵی ٢٠٢٣دا لە کۆلبەر نیوز تۆمارکراون، بە گشتی ٦١ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە ، بەفربارین و بەستەڵەکی. لە کۆی ئەم کۆیە ١١ کۆلبەر (١٨%) کوژراون و ٥٠ کۆلبەر (٨٢%) بریندار بوون، لە کۆی ٦١ کۆلبەر کە کوژراون و بریندار بوون، ٤٢ حاڵەت (٦٩%) بەهۆی تەقەی ڕاستەوخۆی هێزە سەربازییەکانەوە بووە.
