میلاد پیرانی، هاووڵاتی دانیشتووی دیواندەرە لەلایەن هێزە ئەمنیەکانی دیواندەرە دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز چوارشەمە ٢١ی خەرمانانی ١٤٠٣ میلاد پیرانی، ٣٢ ساڵان خەڵکی گوندی قەڵاکۆنە لە دیواندەرە لەلایەن هێزە ئەمنیەکان دەستبەسەرکرا و بۆ شوێنێکی نادیار گوازرایەوە. میلاد پیرانی، خێزاندار و باوکی منداڵێکە. بەپێی ئەم ڕاپۆرتە دەستبەسەری میلاد پیرانی بەبێ بڕیاری دادگا لەلایەن هێزە ئەمنیەکان لە ماڵەکەیدا ئەنجامدراوە.
تا کاتی نووسینی ئەم ڕاپۆرتە لە هۆکارەکانی دەستبەسەری، شوێنی مانەوە و تۆمەتەکانی دژی ناوبراو زانیاریەک لەبەردەستدا نییە.
