«قادر خەرمانفەر» و «جەلال سەدەفی»، پاش دوو مانگ دەستبەسەرکران، لە گرتووخانەی ئیدارەی ئیتلاعاتی شاری ورمێ بۆ زیندانی ناوەندی شاری مەهاباد گواستراونەتەوە.
بەپێی ڕاپۆرتی کۆڵبەرنیوز، ڕۆژی پێنجشەممە ٢٥ی ڕێبەندانی ١٤٠٣، قادر خەرمانفەر و جەلال سەدەفی، دوو هاوڵاتی خەڵکی شاری مهاباد، پاش دوو مانگ دەستبەسەرکران لە گرتووخانەی ئیدارەی ئیتلاعاتی شاری ورمێ بۆ زیندانی ناوەندی شاری مەهاباد گواستراونەتەوە.
ئەم دوو هاوڵاتییە ڕۆژی یەکشەممە ٢٥ی سەرماوەزی ١٤٠٣، لەلایەن هێزە ئەمنییەکانەوە دەستبەسەرکران و بۆ شوێنێکی نادیار گواستراونەتەوە.
تا کاتی نووسینی ئەم ڕاپۆرتە، لە هۆکارەکانی دەستبەسەرکران و تۆمەتەکانی دژی ئەم هاوڵاتییانە زانیارییەک لەبەردەستدا نییە.
