سەلیم یوزی، وەستا کاری بەرد، لەکاتی کارکردن گیانی لەدەستدا.
بەپێی ڕاپۆرتی کۆڵبەرنیوز سەلیم یوزی، وەستا کاری بەرد خەڵکی گوندی یوزیدر لە شاری کامێران، لەکاتی کارکردن و بەهۆی هۆکارێک کە نادیارە گیانی لەدەستدا. ئەم ڕووداوە هەژێنەرە کە کۆمەڵگەی بچووکی گوندی یوزیدری هەژاندووە، هۆکاری خەم و پەشیمانی زۆری خەڵک و هاوکارانیەتی. ناوبراو بەناوی وەستا کاری پسپۆڕ و هەوڵدەر ناسراوە و لەناو خەڵکی گوندی یوزیدر خۆشەویستە. هێشتا زانیاری زیاتر لەم ڕووداوە لەبەردەستدا نییە و هۆکاری ڕوودانی ڕووداوەکە نادیارە.
جێی باسە، لە ١٤٠٢ لە ڕووداوەکانی کاردا ٢١١٥ کرێکار “٢٠٩٤ پیاو و ٢١ ژن” گیانیان لەدەستداوە، بە بەراورد بە هەمان ماوەی ساڵی پێشوو کە ژمارەی گیانلەدەستدان ١٩٠٠ کەس بوو، بە ڕێژەی ١١.٣ لە سەد زیادی کردووە.
ئێران لە بواری پابەندبوون بە پرسەکانی سەلامەتی کار لە نێو وڵاتانی جیهان لە ڕیزبەندی ١٠٢ دایە، ئەمەش پلەیەکی زۆر نزمە.
