٦ ژن و پیاوێک لە کارمەندان و کرێکارانی کارگەی “وەن کوردستان” لەلایەن بەڕێوەبەرانی ئەم کارگەیە لە کار دەرکران.
بەپێی ڕاپۆرتی کۆڵبەرنیوز لەم ڕۆژانەی دواییدا بەڕێوەبەرانی کۆمپانیا و کارگەی “وەن کوردستان” ٧ کەسیان لە کارمەندان و کرێکارانی دەرکردووە.
بەپێی ئەم ڕاپۆرتە “شەیدا سەراحی پوور، سومەیە فەتحی، ئارینا شێخ نەسروڵڵایی، دڵنیا فەیزی، شکوە ئەسەدی، سەیران شێخ ئیسلامی و فاروق حسێنی” ٧ کرێکاری دەرکراوی ئەم کۆمەڵەیەن بە بیانووی جیاواز لەلایەن بەڕێوەبەرانی ئەم کۆمپانیایەوە لە کارەکانیان دەرکراون.
سەرچاوەیەکی ئاگادار لەم بارەیەوە بە کۆڵبەرنیوزی ڕاگەیاند کە بەڕێوەبەری کارگە و بەڕێوەبەری بەرهەمهێنانی ئەم کۆمپانیایە بە فشارهێنان لە ئەوان، کرێکارانی ناڕازیی و کەسانێک لە دەرەوەی داواکاریەکانی کارکردنی ئەم بەڕێوەبەرانە، لە کارەکانیان دەردەکرێن.
