ژیان میری، چالاکیی ژینگەپارێزی شاری سنە، بە ساڵێک زیندانیی دواخراو و پەنجا ملیۆن تمەن سزای نەقدی سزادرا.
بەپێی ڕاپۆرتی کۆڵبەرنیوز، ژیان (موکرات) میری، چالاکیی ژینگەپارێز و خەڵکی گوندی «تەنگیسەر» لە شاری سنە، لەلایەن لقی یەکی دادگای شۆڕشی ئەم شارە بە ساڵێک زیندانیی دواخراو و پێدانی پەنجا ملیۆن تمەن سزای نەقدی سزادرا.
بەپێی ئەم ڕاپۆرتە، دادگا، ژیان میری بە تۆمەتی «هاوکاری لەگەڵ حیزبێکی کوردی دژبەری کۆماری ئیسلامی» دادگایی کردووە و سزایداوە.
ئەم چالاکەی ژینگەپارێز پێشتر لە ٢٢ی بەفرانباری ١٤٠٣، دەستبەسەر و پاش چەندین ڕۆژ لێپرسینەوە لە ٢٧ی بەفرانباری ١٤٠٣، بە پێدانی بارمتەی ٥٠٠ ملیۆن تمەن لە زیندانیی شاری سنە ئازاد کرابوو.
