“سەعدون شەریفی”، زیندانیی سیاسیی کورد، دوای تەواوبوونی پرۆسەی لێپرسینەوە لەگەڵیدا، بە دانانی بارمتە بە شێوەی کاتی لە زیندانی ناوەندیی نەغەدە ئازاد کرا.
بە پێی ڕاپۆرتی کۆڵبەر نیوز، ڕۆژی سێشەممە ٨ی خەزەڵوەری ساڵی ١٤٠٣، “سەعدون شەریفی”، هاوڵاتی شاری پیرانشار، دوای تەواوبوونی پڕۆسەی لێپرسینەوە لەگەڵیدا، بە دانانی بارمتەی دوو ملیارد تمەنی، بە شێوەی کاتی لە زیندانی ناوەندیی نەغەدە ئازاد کرا.
ڕۆژی چوارشەممە ڕێکەوتی ١٤ی خەرمانان، هێزە ئەمنییەکانی ڕێژیم، بە بێ فەرمانی دادگا سەعدون شەریفی و دوو هاوڵاتیی دیکەیان بە ناسنامەی “عەلی حوسێن پوور” و “سولەیمان چووپانی” دەستبەسەر کردبوو.
