فەرهاد کەدخوداقادری، هاووڵاتی خەڵکی شاری مەهاباد، لەلایەن هێزەکانی ڕژیم لەم شارە دەستبەسەرکرا و تا ئێستا چارەنووسی نادیارە.
بەپێی ڕاپۆرتی کۆڵبەرنیوز، فەرهاد کەدخوداقادری، هاووڵاتی دانیشتووی گوندی سەرچنار لە شاری مەهاباد، ڕۆژی شەمە دەی جۆزەردانی ١٤٠٤، لەلایەن هێزەکانی ئیتلاعاتی سوپای پاسداران دەستبەسەرکرا و تا ئێستا شوێنی مانەوە و دۆخی ناوبراو نادیارە.
بەپێی ئەم ڕاپۆرتە، هێزەکانی ئیتلاعاتی سوپا بەبێ بڕیاری دادوەر و بە توندوتیژی ئەم هاووڵاتییەیان دەستبەسەر کردووە. بە تێپەڕینی چەند ڕۆژ لەم دەستبەسەرییە، هەوڵەکانی بنەماڵەی فەرهاد کەدخوداقادری، بۆ زانینی دۆخی کوڕەکەیان تا ئێستا بێ ئەنجامە.
تا کاتی نووسینی ئەم ڕاپۆرتە، هۆکارەکانی دەستبەسەری و تۆمەتەکانی دژی ئەم هاووڵاتییە نادیارە.
