حیکمەت ئەمیری، هاووڵاتی خەڵکی شاری دێولان، لەلایەن دادگای ئینقلابی ئەم شارەوە بە ٤٢ مانگ زیندانیکردن مەحکووم کرا.
بەپێی ڕاپۆرتی کۆڵبەرنیوز و بەپێی حوکمێک لەلایەن لقی ١ی دادگای ئینقلابی دێولان بە سەرۆکایەتی دادوەر ڕۆستەمی ئەحقەر، بڕیاردرا و لە سەرەتای گەلاوێژی ١٤٠٣ بە ناوبراو ڕاگەیەندراوە، ناوبراو بە تۆمەتی “تەبلیغ دژی ڕژیم و بەشداری لە کۆبوونەوە ناڕەزاییەکان و ڕێکخراوانی دژبەری ڕژیم” بە ٤٢ مانگ زیندانیکردن مەحکووم کرا. ٣٦ مانگ لە حوکمی دەرکراو ڕاگیراوە.
بەپێی ئەم ڕاپۆرتە، دانیشتنی دادگایی بۆ تۆمەتەکانی حیکمەت ئەمیری، لە خاکەلێوەی ١٤٠٣ لە لقی ناوبراو بەڕێوەچوو بوو.
حیکمەت ئەمیری، هاووڵاتی شاری دێولانە کە لە بوارەکانی ژینگە و چارەسەری ئالوودەیی چالاکی دەکات.
