محەممەد نیکپەی و محەممەد ئاشتەک، دوو هاوڵاتی خەڵکی مەریوان، پاش دەستبەسەریی بە ئامانجی جێبەجێکردنی سزاکانی زیندان، بۆ زیندانیی مەریوان گواسترانەوە.
بەپێی ڕاپۆرتی کۆڵبەرنیوز، ڕۆژی شەممە شەشی بەفرانباری ١٤٠٤، محەممەد نیکپەی و محەممەد ئاشتەک، دوو هاوڵاتی کوردی مەریوان، بۆ تێپەڕاندنی ماوەی سزاکەی دەستبەسەرکرا و بۆ زیندانیی ئەم شارە گواسترانەوە. دەستبەسەریی ئەم دوو هاوڵاتییە بە ئامانجی سزادانی زیندان لەلایەن دادگای شۆڕشی مەریوان ئەنجامدرا و هەردوو پاش دەستبەسەریی بۆ زیندانیی مەریوان گواسترانەوە.
محەممەد نیکپەی و محەممەد ئاشتەک، لە هاوینی ١٤٠٤، لە دادگای شۆڕشی مەریوان بە سەرۆکایەتی دادوەر ڕۆحی، بە تۆمەتی «بانگەشە دژی ڕژیم» دادگایی کرابوون.
بەپێی سزای دەرچوو، هەریەک لەم هاوڵاتییانە بە دوو مانگ و پازدە ڕۆژ زیندانیی تەعزیری و سێ مانگ زیندانیی دواخراو سزادران. تۆمەتی دژی ئەم دوو هاوڵاتییە «بەڕێوەچوون و بەشداری لە ڕێوڕەسمەکانی نەورۆزی ١٤٠٤» ڕاگەیەندراوە.
لە خاکەلێوەی ١٤٠٤، محەممەد ئاشتەک و محەممەد نیکپەی، هەردوو خەڵکی گوندی «نەی» لە مەریوان، پاش بانگهێشتیان بۆ ئیدارەی ئیتلاعاتی ئەم شارە دەستبەسەرکران و پاش ماوەیەک بە کەفالەتی کاتی ئازادکرابوون.
محەممەد نیکپەی، پێشتر بەهۆی چالاکییەکانی خۆیەوە دەستبەسەرکرا و زیندانیی کراوە.
