ئومێد ئەسەدی، چالاکی مەدەنی خەڵکی شاری سنە، دوای ١٨ ڕۆژ دەستبەسەری بە دانانی بارمتە لە زیندان ئازاد کرا.
بەپێی ڕاپۆرتی کۆڵبەرنیوز، ڕۆژی چوارشەممە ٥ی ڕەزبەری ١٤٠٢، ئومێد ئەسەدی، چالاکی کرێکاری و مەدەنی خەڵکی شاری سنە، پاش ١٨ ڕۆژ دەستبەسەری بە دانانی بارمتەی ٢٠٠ میلیۆن تمەن تا کۆتایی دانیشتنەکان لە زیندان ئازاد کرا.
ڕۆژی یەکشەممە ١٩ی خەرمانانی ١٤٠٢، هێزە ئەمنییەکانی شاری سنە هەڵیانکوتایە سەر فرۆشگای ئومێد ئەسەدی و بەبێ بڕیاری دادگا دەستبەسەریان کرد. هێشتا هیچ زانیارییەک لەبارەی تۆمەتەکانی ئەم چالاکە کرێکارییەوە نییە.
