سەید بەهادین حسێنی، هاوڵاتی خەڵکی شاری دیواندەرە بە دانانی بارمتەی کاتی لە زیندان ئازادکرا.
بەپێی ڕاپۆرتی کۆڵبەرنیوز، ڕۆژی سێشەمە ١ جۆزەردانی ١٤٠٣، «سەید بەهادین حسێنی» هاوڵاتی گوندی «کەسنەزان» سەربە شاری دیواندەرە، پاش تێپەڕینی ٨ مانگ دەستبەسەری، بە دانانی بارمتەی کاتی سەنگین تا کۆتایی هاتنی لێکۆڵینەوە لە زیندان ئازادکرا.
ناوبراو پێشتر لە ٧ ڕەزبەری ساڵی ڕابردوو، لەلایەن هێزەکانی ئەمنی شاری دیواندەرە بەبێ بڕیاری دادگا بەهۆی توندوتیژی دەستبەسەرکرابوو.
هێشتا لە تۆمەتەکانی دژی ناوبراو، زانیاری بەردەست نییە.
