هاووڵاتیەکی خەڵکی شاری پیرانشار بە تەقەی ڕاستەوخۆی هێزەکانی هەنگی مەرزی لە هێڵی سنووری شنۆ برینداربوو.
بەپێی ڕاپۆرتی کۆڵبەرنیوز ئێوارەی ڕۆژی شەممە ١٩ی جۆزەردانی ١٤٠٣، هێزەکانی هەنگی مەرزی لە هێڵی سنووری شنۆ بە گومانی هەڵگرتنی کاڵای قاچاخ هاووڵاتیەکیان بە تەقەی ڕاستەوخۆ کردە ئامانج و ناوبراویان بریندارکرد. ناسنامەی ئەم هاووڵاتییە “جەعفەر گەردی” خێزاندارە و خاوەنی دوو منداڵە و خەڵکی گوندی “شیناوا “ی سەربە شاری پیرانشارە.
شایانی باسە ناوبراو بۆ چارەسەر بۆ نەخۆشخانەی شاری پیرانشار گواستراوەتەوە و نەشتەرگەری بۆ کراوە.
