کرێکاران، خەڵکی ئازادیخواز!
ڕۆژی پێنجشەم ١٤ی پووشپەڕی ١٤٠٣، هەواڵێک لەبارەی دەرکردنی سزای سێدارەدانی شەریفە محەمەدی لە لقی ١ی دادگەی شۆڕشی ڕەشت، بە تۆمەتی “دژێتی” لە ڕێگەی ئەندامێتی لە کۆمیتەی هەماهەنگی بۆ هاوکاری لە سازکردنی ڕێکخراوانی کرێکاری کە دادگە ئەم ڕێکخراوەی پێوەند بە کۆمەڵە کردووە؛ ڕاگەیەندراوە. بڵاوکردنەوەی ئەم هەواڵە تەوژمی لە ناڕەزایەتی بەرامبەر دەرکردنی ئەم سزایە و پاراستنی ژیانی شەریفە محەمەدی لەگەڵدایە. لەم ڕووەوە، ئێمە ئەندامانی کۆمیتەی بەرگری لە عوسمان ئیسماعیلی؛ کە خۆی لە ئەندامانی کۆمیتەی هەماهەنگی بووین، بەم بنەمایە تا لەبارەی دەرکردنی سزا لەلایەن دادوەری دادگەی شۆڕشی ڕەشت کاردانەوەمان هەیە.
١؛ کۆمیتەی هەماهەنگی بۆ هاوکاری لە سازکردنی ڕێکخراوانی کرێکاری، ڕێکخراوی یاسایی و نا فەرمی بە چالاکیەکانی ئاشکرا بوو کە ئەندامەکانیان بەپێی ئامانجی یاسای دامەزران “پاراستنی ماف و بەرژەوەندی کرێکاران و مووچەگران لەژێر ستەم، باشتربوونی دۆخی ژیان و مووچەیان، بوونی ئازادیەکانی دیموکراتیک، یەکسانی مافی ژنان و پیاوان، نەمانی کاری منداڵان و فەرمی کردنی مافی مرۆڤیان و لە ئەنجامدا لابردنی هەموو نایەکسانی مرۆڤی و ستەمی مرۆڤ لە مرۆڤ” چالاکی و خەباتیان کرد. بەهۆیەوە هێزەکانی ئەمنی و یاسایی کۆماری ئیسلامی ئێران لە کاتی ڕاگەیاندنی بوونی کۆمیتەی هەماهەنگی لە بەهاری ١٣٨٤ تا کۆتا کۆبوونەوە لە بەهاری ١٣٩١ سەدان ئەندامی ئەم ڕێکخراوە دەستبەسەرکرا و سزادرا، بەڵام هیچ دادگەیەک، بەڵگەی فەرمی لەبارەی پێوەندی کۆمیتەی هەماهەنگی بە “کۆمەڵەی عەلیزادە” ڕێکخراوی کوردستانی حیزبی کۆمۆنیستی ئێران” نییە و تەنیا تۆمەت بووە، کە لەلایەن لێکۆڵەرانی ئیتلاعات بە مەبەستی فشار و بەڵگەسازی بۆ ئەندامی دەستبەسەرکراو لە کۆتاییدا ڕێکاری دادوەری بەکارهاتووە.
٢؛ بابەتی دیکە کە دادوەری بەڵگە “لە سزای ڕاگەیەندراو” ئاماژە دەکات بە “بابەتی پێشکەشکراوەی تۆمەتبار لە تۆڕی کۆمەڵایەتی کە دەرخەری بڕوای کۆمۆنیستی تاوانبارە”. بزووتنەوەی کرێکاری لە دنیا، فەیلەسوفان، بیرمەندان و خەباتکەرانی زۆرن کە بنەڕەتی خوێندنگە و بیرۆکەی پێشکەوتنخوازانەم ڕستەی خوێندنگەی کۆمۆنیزم و سۆسیالیزم بوون؛ بۆیە بزووتنەوەی کرێکاری ئێران لەم یاسایە بێبەش نییە؛ بزووتنەوەی کرێکاری ئێران زیاتر لە ١٠٠ ساڵ مێژووی خەباتی هەیە کە بەڕاستی بوونی هزراندنی سۆسیالیستی بۆ پێش سەردەمی دەستوری دەگەڕێتەوە و سازکردنی حیزبی کۆمۆنیستی ئێران و حیزبی تودە و خەباتی سیاسی ئاشکرا لەم حیزبانە لە سەردەمی ڕەزاخان بۆ دوای خەباتی چەکدارانە و گەریلایی و چالاکیەکانی ڕێکخراوەیی ئەزموون کردووە. ئەم بڕیارە بابەتێکی نهێنی نەبووە تا هێزەکانی ئەمنی و یاسایی ئاشکرایان کردبێت. بە ئاماژەدان بە دەستووری کۆمیتەی هەماهەنگی بۆ پێشوازی لە سازکردنی جۆرەکانی ڕێکخراوانی سەربەخۆی کرێکاری ڕادەگەیەنین کە لەهەوڵداین “ڕێکخراوی دژە سەرمایەداری و سەرتاسەری چینی کرێکاری ئێران” سازبکەین، ڕێکخراوێک بە هێزی خودی کرێکاران و بەبێ وەرگرتنی مۆڵەت لە دەوڵەت سازبووە، فراوانترین تودەکانی کرێکاری تێدایە و لە کاتی بەشداری چالاک و پێداگری لە خەباتی ڕۆژانەی کرێکاران بۆ وەرگرتنی ئەم یان ئەو بابەتی کرێکاری، لە بازنەی پەسەندکردنی سەرمایەداری زیاتر دەبێت و بۆ نەمانی ئازارەکانی ژیانی مرۆڤی ئەمڕۆیی وەکو هەژاری، برسێتی، بێکاری، بێ مافی، خراپەکاری، ئالوودەبوون، گەندەڵی، جیاکاری و نەمانی ئازادیەکان هەوڵدەدات.
بێگومان گونجاوترین پێکهاتە بۆ ئەم ڕێکخراوانە پێکهاتەی شوراییە “هەروەها کە حوکمڕان ئەم مافە بۆ خۆی دەزانێت کە ٣ لایەنگری حکومڕان بۆ هەموو بوارەکانی ئابووری، کۆمەڵناسی و سیاسی بزانێت؛ بوونی هزراندنی سۆسیالیستی و کۆمۆنیستی لە بزووتنەوەی کرێکاری نەک تەنیا نائاسایی نییە، بەڵکو بنەڕەتی بزووتنەوەی کرێکاری دەگەیەنێت.
٣؛ سزای سێدارەدانی شەریفە محەمەدی، بەپێی زانستی دادوەر “مادەی ٢١١ ق.م.ا” و شۆڕشی چەکدارانە دژی کۆماری ئیسلامی ئێران “مادەی ٢٨٧ ق.م.ا” بێ بنەڕەتە چونکە کۆمیتەی هەماهەنگی لە ماوەی چالاکیەکانی خۆیدا هیچ هێرشی چەکدارانەی دژی بەرژەوەندی نێوخۆیی و دەرەوەی ئێران نەکردووە. ڕاگەیاندنی ئەم بڕیارە نیشاندەرە بۆ باڵادەستی تەواوی هێزەکانی ئەمنی بۆ پێشخستنی مەبەست و پرۆژەکانی لەڕێگەی هێزی یاساوە. بۆیە چالاکانی ئەم بزووتنەوە لەم سزایانە ناترسن، چونکە بزووتنەوەی کرێکاری ئێران لە ماوەی مێژووی ١٢٠ ساڵیدا کەوتن و هەستانەوەی زۆری ئەزموون کردووە؛ بەڵام هیچ کات نەوەستاوە.
سازکردنی کۆمیتەی هەماهەنگی بەشێکە لەم ئەزموونانە، کە دەستووری کۆمیتەی هەماهەنگی ئاماژە دەکات “بوونی بژاردەی تێپەڕاندن لە کێشەکانی نهێنی چالاکیەکان، بە شێوەکانی چالاکی ئاشکرا” ئەمە نیشاندەرە کە تێگەشتنی باڵای چالاکانی بزووتنەوەی کرێکاری ئێران و شیکاریان بۆ دۆخی سیاسی و کۆمەڵناسی ئەو سەردەمەی “دەیەی ٨٠ هەتاوی” بووە، تا لە چوارچێوەی ئاشکرای چالاکیەکانی خۆی بەردەوام بێت.
بەم بۆنەیەوە ڕێکاری زۆرەملێی دەوڵەتان و هێزەکانیان، هیچ کاتێک نەیتوانی و ناتوانێت ڕێکاری چالاکانی کرێکاری دوا بخات یان بۆ ئەم بزووتنەوە چالاک و سیاسیە ڕێگر بێت. بزووتنەوەی کرێکاری گوڵەنگە هێڵی لادان نییە و چالاکانی ئەم بوارە زۆر وشیارترن تا فریوی دەنگەکانی بەناو پسپۆڕ و شارەزای مافی مرۆڤ کە میدیاکان دەیانناسێنن بکەون.
ئێمە ئەندامانی کۆمیتەی بەرگری لە عوسمان ئیسماعیلی داوای نەمانی سزای سێدارەدانی شەریفە محەمەدی و ئازادی بێ مەرجی ناوبراو دەکەین. بە هەمان هۆکار لە گشت مرۆڤانی ئازادیخواز و ڕێکخراوانی کرێکاری لە سەرتاسەری دنیا داواکارین بۆ ڕزگارکردنی گیانی شەریفە محەمەدی و زیندانیانی سیاسی دیکە لە زیندانەکانی ئێران لە هەوڵدان بەردەوام بن.
کۆمیتەی بەرگری لە عوسمان ئیسماعیلی
پووشپەڕی ١٤٠٣
گوتەبێژی کۆمیتە؛ یەدوڵڵا سەمەدی
00989185028563
