ئومید فەرجی، هاووڵاتی دانیشتووی مەریوان لەلایەن هێزە ئەمنیەکانەوە لەم شارە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز ڕۆژی یەکشەمە ٢٨ی گەلاوێژی ١٤٠٣، هاووڵاتیەک لە شاری مەریوان دەستبەسەرکرا. ناسنامەی ئەم هاووڵاتیە ئومید فەرجی، ٤٠ ساڵان کوڕی عەبدوڵا و خەڵکی گوندی نەی لە مەریوانە. بەپێی ئەم ڕاپۆرتە، هێزە ئەمنیەکان بەبێ بڕیاری دادگا ئەم هاووڵاتیەیان دەستبەسەرکردووە.
تا کاتی نووسینی ئەم ڕاپۆرتە لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاووڵاتیە زانیاریەک لە بەردەستدا نییە.
