پەرهام پەروەری، بەندکراوی سیاسی کورد و لە دەستبەسەرکراوانی شۆڕشی ژینا لە گرتوخانەی ئێرانشار بەندکراوە، لێدان و ئەشکەنجە کراوە.
بەپێی ڕاپۆرتی کۆڵبەرنیوز بە وەرگرتنی لە پەڕەی تایبەتی دایکی ناوبراو، پەرهام پەروەری، بەندکراوی سیاسی کورد خەڵکی سەقز لە شۆڕشی ژینا لەلایەن هێزەکانی ئەمنی لە تاران دەستبەسەرکرا، لە گرتوخانەی ئێرانشار لەلایەن بەندکراوانی بەندی تاوانی قورس و مادەی هۆشبەر، لێدان و ئەشکەنجە و ئازار دراوە و بەرپرسانی ئەمنی گرتوخانە لەمبارەوە بەهەڵوێستن. لەکاتێکدا ناوبراو لە بەندی تاوانی قورس و مادەی هۆشبەر، بەندکراوە کە تۆمەتی ناوبراو سیاسییە.
پەرهام پەروەری لەلایەن لقی ٢٨ی دادگای شۆڕشی تاران بەسەرۆکایەتی دادوەر عەموزادە بە ٥ ساڵ بەندی تەعزیری و ١٠ ساڵ دوورخستنەوە سزادرابوو. ناوبراو دەرچووی بەشی تەلارسازی میکانیک، یاریزان و خاوەنی پاڵەوانێتی چەندین خولی شناوی وڵات و هەرێمی، لە ١٢ی ڕەزبەری ١٤٠١ لە بزووتنەوەی شۆڕشگێڕانەی ژینا لە تاران دەستبەسەرکرا. ناوبراو سەرەتا بۆ بەندی ٢٠٩ی زیندانی ئێڤین گواسترایەوە و لەوێوە بۆ گرتوخانەی تارانی گەورە و لە سەرەتای ١٤٠٣ بۆ دەروازەی ٦ی زیندانی ئێڤین گواسترایەوە.
