سمکۆ ڕەوازی کۆڵبەرێکی تەمەن ٣٧ ساڵ، خەڵکی شاری مەهاباد، بە تەقەی ڕاستەوخۆی هێزەکانی هەنگی مەرزی لەسەر هێڵی سنووری هەنگەژاڵی بانە بە سەختی بریندار بوو.
بەپێی ڕاپۆرتی کۆڵبەرنیوز، ڕۆژی چوارشەممە ٢٤ی خەزەڵوەری ١٤٠٢، سمکۆ ڕەوازی کۆڵبەرێکی تەمەن ٣٧ ساڵ، خەڵکی شاری مەهاباد، بە تەقەی ڕاستەوخۆی هێزەکانی هەنگی مەرزی لەسەر هێڵی سنووری هەنگەژاڵی بانە بەسەختی برینداربوو.
بەپێی زانیاری گەیشتوو، ناوبراو له ناوچەی سەر پشت و هەردوو دەستی بەسەختی برینداربووە.
جێگای ئاماژەیە کە ناوبراو بۆ وەرگرتنی چارەسەر گەیەندراوەتە ناوەندێکی پزیشکی.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە و برینداربوون. لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
