ڕەحمان جەمشیدی، خەڵکی گوندی “نەروی”، و دانیشتووی شاری پاوە، بە تەقەی ڕاستەوخۆی هێزەکانی هەنگی مەرزی لە سنووری نۆدشە بریندار بوو.
بەپێی ڕاپۆرتی کۆڵبەرنیوز، ئەمڕۆ ٩ی ڕەزبەری ١٤٠٢، ڕەحمان جەمشیدی، کۆڵبەر و خەڵکی گوندی “نەروی” و دانیشتووی شاری پاوە، بە تەقەی ڕاستەوخۆی هێزەکانی هەنگی مەرزی لە ناوچەی سنووریی نۆدشە “نزیک سێ رێگای شەهیدان” «ملەندوو» بریندار بوو.
بە وتەی سەرچاوەیەکی ئاگادار، هێزەکانی هەنگی مەرزی لە کاتێکدا تەقەیان لەم کۆڵبەرە کردووە کە هیچ کۆڵێکی پێ نەبووە.
جێگای ئاماژەیە کە ناوبراو بۆ چارەسەرکردن بۆ ناوەندە پزیشکییەکان گواستراوەتەوە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
