“ئیسماعیل پورعەبدوڵڵا” هاووڵاتی خەڵکی شاری بۆکان لەلایەن هێزە ئەمنییەکانی ئەم شارەوە دەستبەسەرکرا و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، هاووڵاتییەک لەلایەن هێزە ئەمنییەکانەوە لە شاری بۆکان دەستبەسەرکرا. ناسنامەی ئەم هاووڵاتییە “ئیسماعیل پورعەبدوڵڵا” خەڵکی شاری بۆکانە. بەپێی ئەم ڕاپۆرتە، دەستبەسەرکرانی “ئیسماعیل پورعەبدوڵڵا” لەم ڕۆژانەی دواییدا لەلایەن هێزە ئەمنییەکانەوە لە ماڵەکەیدا و بەبێ بڕیاری دادگا ئەنجام دراوە.
هەروەها تا ئێستا بەدواداچوونی بنەماڵەکەی بۆ زانینی چارەنووسی ناوبراو بێ ئەنجام بووە.
تا ئێستا لە هۆکارەکانی دەستبەسەرکران، شوێنی مانەوە و تۆمەتەکانی دژی ناوبراو زانیارییەک لە بەردەستدا نییە.
