هێزەکانی ڕژێم لە بۆکان، مەتین حەسەنی لە بریندارەکانی خەزەڵوەری ٩٨ دەستبەسەر کرد.
بە پێی ڕاپۆرتی کۆڵبەرنیوز، بە پشت بەستن بە هێرانا، ڕۆژی سێشەممە، ٣ی ڕێبەندانی ١٤٠٢، مەتین حەسەنی، دانیشتووی بۆکان و یەکێک لە قوربانیانی ناڕەزایەتیەکانی خەزەڵوەری ٩٨، لە لایەن هێزە ئەمنیەکانی شارەکەوە دەستبەسەر و بۆ شوێنێکی نادیار ڕاگوێزرا.
بە پێی ئەو ڕاپۆرتە و بە پشت بەستن بە وتەی ئاگادارێک؛ مەتین حەسەنی لە ماڵەکەی خۆی بە بێ فەرمانی دادگا لەلایەن هێزە ئەمنییەکان دەستگیر کراوە.
تا کاتی نوسینی ئەم ڕاپۆرتە، هیچ زانیاریەک لە هۆکاری گرتن و شوێن و تۆمەتی ناوبراو لەبەردەست نییە.
مەتین حەسەنی لە تەمەنی نۆزدە ساڵیدا، لە کاتی ناڕەزایەتیە سەرتاسەریەکانی خەزەڵوەری ٩٨ لە بۆکان، بە هۆی تەقە ڕاستەوخۆی هێزەکانی ڕژیمەوە چاوێکی لە دەست دا
