پێشمەرگەیەکی کۆمەڵەی شۆڕشگێڕانی زەحمەتکێشانی کوردستانی ئێران لە لایەن بەکرێگیراوی کۆماری ئیسلامیەوە لە زڕگوێز تیرۆر کرا و گیانیبەختکرد.
بەپێی زانیاری کۆڵبەرنیوز، شەمە ٢٦ی ڕەشەمەی ١٤٠٢، «شۆعەیب زارێعی» خەڵکی گوندی تەختە سەر بە ژاوەرۆی سنە، چالاکی سیاسی و پێشمەرگەی کۆمەڵەی شۆڕشگێڕانی زەحمەتکێشانی کوردستانی ئێران لە پلانێکدا، بە تەقەی بەکرێگیراوێکی کۆماری ئیسلامی تیرۆر کرا.
سەرچاوە جۆراوجۆرەکان ناسنامەی بکوژەکەیان بە “سەرکەوت ئەحمەدی” خەڵکی شاری جوانڕۆ ڕاگەیاندووە.
هەر بە وتەی ئەو سەرچاوانە بکوژەکە لە شاری پێنجوێن لەلایەن ئاسایشی هەرێمی کوردستانەوە دەستبەسەرکراوە.
