کرێکارێکی گەنج لەکاتی دانانی ئاسانسۆر لە تەلارێک لە خوڕەماوا گیانی لەدەستدا.
بەپێی ڕاپۆرتی کۆڵبەرنیوز، ڕۆژی ٢ جۆزەردانی ١٤٠٣، کرێکارێکی گەنجی ١٨ ساڵە بە ناوی پویا کیشوەری، خەڵکی گوندی سەرابیاس لە کاتی دانانی ئاسانسۆر لە تەلارێک لە خوڕەماوا لە بەرزایی کەوتە خوارەوە و گیانی لەدەستدا.
دەگوترێ ئەم گەنجە بۆ دابینکردنی ژیان و هاوکاری خێزانەکەی بۆ شار ڕۆشتبوو، لە هەمان کاتدا سەرقاڵی تەواوکردنی خولی سەربازی بوو.
زانیاری زیاتر دەربارەی ئەم ڕووداوە وەکو هۆکاری کەوتنەخوارەوە و ناوەڕۆکی خاوەنکاری ناوبراو هێشتا ڕانەگەیەندراوە.
گیان لەدەستدانی ئەم کرێکارە گەنجە کە بۆ دابینکردنی ژیانی خێزانەکەی هەوڵی دەدا، جارێکی دیکە سەرنج بۆ مەترسیەکانی شوێنی کار، بەتایبەت لە نێوان کرێکارانی تەلارسازی ڕادەکێشێت.
