سامان پاشایی، هاووڵاتییەکی زیندانیی خەڵکی شاری سەقز کە لە ڕێکەوتی ١١ی پووشپەڕی ١٤٠٢ لە لایەن هێزە ئەمنیەکانەوە دەستبەسەر کرابوو، تا ئێستاش لە دەستبەسەری ئیدارەی ئیتلاعاتی سنەدایە.
بەپێی ڕاپۆرتی کۆڵبەرنیوز، سامان پاشایی، بەندکراوی خەڵکی سەقز، سەرەڕای تێپەڕبوونی ٤٨ ڕۆژ بەسەر دەستبەسەرکرانی، هێشتا لە گرتووخانەی ئیدارەی ئیتلاعاتی سنەدایە.
بنەماڵەی ئەم هاووڵاتییە زیندانیکراوە توانیان ڕۆژی یەکشەممە ٢٢ی گەلاوێژ بە شێوەیەکی چاویان پێی بکەوێت. دەگوترێ پاشایی لەژێر گوشار و هەڕەشە بۆ هاوکاری و دانپێدانانی زۆرەملێدایە.
سامان پاشایی، هاووڵاتیی شاری سەقز و مامۆستای خۆراکی وەرزشی و فیزیۆلۆژی لە زانکۆی ئازادی سەقز، ڕێکەوتی ١١ی پووشپەڕی ١٤٠٢ لەلایەن هێزەکانی ئەمنیەتییەوە دەستبەسەر و بۆ گرتووخانەی ئیدارەی ئیتلاعاتی سنە گوازرایەوە.
تا کاتی نووسینی ئەم ڕاپۆرتەدا هیچ زانیارییەک لەبارەی هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
