موحەممەد عەبدوڵڵاهی پوور خوێندکاری بەشی زوانی ئینگلیسی لە زانکۆی کوردستان، دووبارە لە لایەن هێزە ئەمنیەکانی شاری سنەوە دەستبەسەرکرا.
بە پێێ ڕاپۆرتی کۆڵبەرنیوز ڕۆژی شەممە ٢٩ی ڕەزبەری ١٤٠٢، موحەممەد عەبدوڵڵاهی پوور، ٢٤ ساڵ تەمەن و خوێندکاری بەشی زوانی ئینگلیسی لە زانکۆی کوردستان، بۆجاری دووهەم لەلایەن هێزە ئەمنیەکانی شاری سنەوە دەستبەسەرکرا.
بە پێی ئەو ڕاپۆرتە موحەممەد عەبدوڵڵاهی پوور کاتژمێر ٨ی بەیانی ڕۆژی شەممە لەلایەن هێزە ئەمنیەکانی شاری سنەوە لە ماڵەکەی خۆیدا لە گەڕەکی باخی ژاڵەی سنە، دەستبەسەر و ڕاگوێزی شوێنێکی نادیار کرا.
هێزە ئەمنیەکان بەبێ بەڵگەی یاسایی هەوڵی دەستبەسەر کردنی ئەو هاووڵاتیەیان داوە. تا کاتی نووسینی ئەم هەواڵە لە هۆکاری دەستبەسەرکران و ئەو تۆمەتانەی خراونەتە پاڵ دۆسیەکەی هیچ زانیاریەک بەردەست نیە.
موحەممەد عەبدوڵڵاهی پوور شەوی یەکشەممە٢٧ی مانگی خەرمانانی١٤٠٢، لە لایەن هێزە ئەمنیەکانی شاری سنەوە دەستبەسەر و لە دوای ٢مانگ بە دانانی بارمتە و بە شێوەی کانی لە گرتووخانە ئازاد کرابوو.
