چوار هاووڵاتی خەڵکی گوندی «حاجیاوا»ی سەربە شاری سائین قەڵا، لەلایەن هێزە ئەمنییەکانی ورمێ دەستبەسەر و بۆ شوێنی نادیار گواسترانەوە.
بەپێی ڕاپۆرتی کۆڵبەرنیوز ڕۆژی پێنجشەمەممە ٢٠ی گوڵانی ١٤٠٣، چوار هاووڵاتی خەڵکی گوندی «حاجیاوا»ی سەربە شاری سائین قەڵا، بە ناوەکانی «عوسمان عەباسی»، «ڕەحمان خوسرەوی»، «هێمن عەلی زادە» و «شەهرام سوڵتانی» لەلایەن هێزە ئەمنییەکانی شاری ورمێ دەستبەسەر و بۆ شوێنی نادیار گواسترانەوە. بەپێی ئەم ڕاپۆرتە دەستبەسەرکرانی ئەم چوار هاووڵاتییە پەیوەندی بە بەڕێوەچوونی ڕێوڕەسمەکانی نەورۆز هەیە.
هێزە ئەمنییەکان بەبێ بڕیاری دادگا ئەم هاووڵاتیانەیان دەستبەسەرکردووە و تا کاتی بڵاوبوونەوەی ئەم ڕاپۆرتە لە شوێنی مانەوە و تۆمەتەکانی دژی ئەم هاووڵاتیانە زانیارییەک لەبەردەستدا نییە.
