هێزە ئەمنیەتییەکانی ڕێژیم هەڕەشەیان لە باوکی ژینا ئەمینی کردووە کە ئەو ڕاگەیاندنە سەبارەت بە بانگەوازی ڕێوڕەسمی ساڵڕۆژی ژینا ڕەت بکاتەوە.
بەپێی ڕاپۆرتی کۆلبەرنیوز، ڕۆژی دووشەممە ٢٠ی خەرمانانی ١٤٠٢، هێزە ئەمنییەکانی ڕژێم هەڕەشەیان لە ئەمجەد ئەمینی باوکی ژینا ئەمینی کردووە، کە لە ئەگەری هەر “چالاکی و چاوپێکەوتن و قسەیەک”دا بە توندترین شێوە مامەڵە لەگەڵ ئەو و بنەماڵەکەی دەکەن. سەبارەت بە مەراسیمی ساڵیادی ژینا، خۆی و بنەماڵەکەی، وە هەروەها ئەشکان ئەمینی منداڵێکی دیکەی ئەو بنەماڵەیە، هەڕەشەی دەستگیرکردنیان لێکراوە.
هاوکات حیزب، ڕێکخراو، لایەنە جۆراوجۆرەکان و خەڵک بانگەوازیان بۆ ساڵیادی کوژرانی ژینا بڵاوکردۆتەوە و بانگهێشتی خەڵکیان کردووە بۆ مانگرتن و هەروەها ئامادەبوون لەسەر گۆڕی ژینا، ڕەمزی شۆڕشی، ژن ژیان ئازادی، هەروەها گیانبەختکردووانی دیکەی ئەم شۆڕشە.
