من ناوم فەرزاد مورادینیایە، ٣٧ ساڵە، خەڵکی شاری سنە، کە بەهۆی چالاکیی سیاسی و کرێکاریی لە ساڵی ١٣٩٣، لە کۆبوونەوەی “کۆمیتەی هەماهەنگی بۆ دروستکردنی ڕێکخراوە کرێکارییەکان” لە شاری کەرەج دەستبەسەر کرام و نزیکەی ٣٦ مانگ زیندانیی و ئەشکەنجە درام.
دوای ئازاد بوونم بە شێوەیەکی کاتیی، لە ساڵی ١٣٩٣ لەلایەن ئیتلاعاتەوە دەستگیرکرام و بۆ ماوەی ٢٩ ڕۆژ لە زیندانی و ئەشکەنجەدرام. دواجار لە ساڵی ١٣٩٣ سزای ٣ ساڵ زیندانیم بەسەردا سەپێندرا و دوای تێپەڕاندنی ١٣ مانگ بە ئازادی مەرجدار و هەڵپەساردنی ٥ ساڵ ئازادکرام.
لە زیندان بەهۆی ئەو برینانەی لە ماوەی دەستبەسەرکردنمدا و کاتی ئەشکەنجەدانم تووشیان ببووم، داوای مۆڵەتی چارەسەری پزیشکیم کرد. بەڵام ئەوان ڕازی نەبوون. لە کۆتاییدا بەهۆی خراپی بارودۆخەکەمەوە ناچار بووم مان بگرم لە خواردنی وشک. دوای ٤ ڕۆژ لە مانگرتن لە خواردن و خوێنبەربوونی زۆر، زیندان ڕازی بوو بمباتە نەخۆشخانە و نەشتەرگەریم بۆ بکرێت لەسەر حیسابی خۆم.
