ئێوارەی چوارشەمە ٢٠ی پووشپەڕی ١٤٠٣، هێزە ئەمنیەکانی ڕژیم لە مهاباد هاووڵاتیەک بە ناسنامەی “محەمەد ڕەزا قەیتەرانی” دەستبەسەرکرد.
بەپێی ڕاپۆرتی کۆڵبەرنیوز، پاسەوانانی ئیدارەی ئیتلاعاتی مهاباد، ئێوارەی چوارشەمە ٢٠ی پووشپەڕی ١٤٠٣، بە هێرش بۆسەر ماڵی “محەمەد ڕەزا قەیتەرانی” هاووڵاتی تەمەن ٢٢ ساڵی خەڵکی مهاباد، ناوبراویان دەستبەسەرکرد.
تا ئێستا لە تۆمەتەکانی دژ بە ئەم هاووڵاتیە و شوێنی مانەوەی زانیاریەک لە بەردەستدا نییە.
شایانی باسە کە ناوبراو پێشتر لە درێژەی شۆڕشی ژینا بۆ ماوەی ٣ مانگ لەلایەن هێزە ئەمنیەکانی ڕژیم دەستبەسەرکرابوو.
