“محەممەد خوسرەوی” کاسبکاری خەڵکی شاری مەریوان بە تەقەی ڕاستەوخۆی هێزەکانی هەنگی مەرزی بە سەختی برینداربوو. باری تەندروستی ناوبراو بەشێوەیەکی گشتی بەناجێگیر ڕاگەیاندراوە.
بەپێی ڕاپۆرتی کۆڵبەرنیوز، ئێوارەی دووشەمە ٧ی جۆزەردانی ١٤٠٣، هێزەکانی هەنگی مەرزی لە شاری مەریوان لە نزیک “کارگەی خۆراکی ئاژەڵ و پەلەوەری(دەشتی بیلۆ)” بە گومانی هەڵگرتنی کاڵای قاچاخ ئۆتۆمبێلی ئەم کاسبکارەیان کردە ئامانج و ناوبراویان بە سەختی بریندارکرد.
“محەمەد خوسرەوی” خەڵکی گوندی “باشماق”ی سەربە شاری مەریوانە.
بەپێی ئەم ڕاپۆرتە، محمەد خوسرەوی لە “بڕبڕەی پشتی”دا بە گوللە کراوەتە ئامانج و لە ئێستادا لە بەشی چاودێریی چڕی نەخۆشخانەی کەوسەری سنە خەوێندراوە.
“محەمەد خوسرەوی” خێزاندارە و خاوەنی منداڵێکی یەک ساڵانە.
