دانا لەنج ئاوایی ، چالاکی مەدەنی خەڵکی شاری مەریوان ، بە دانانی بارمتە و بە شێوەی کاتی تا کۆتا دادگایی لە بەندیخانە ئازادبوو.
بەپێی زانیاریەکانی کۆڵبەرنیوز، سێشەمە ٢٢ ڕەشەمەی ١٤٠٢، دانا لەنج ئاوایی چالاکی مەدەنی خەڵکی مەریوان ، بە دانانی بارمتە و بە شێوەی کاتی ،تا کۆتای دادگایی لە بەندیخانە ئازادبوو.
سێشەمە ١ ڕەشەمەی ١٤٠٢، ئەم بەندکراوە سیاسیەی پێشوو ، بەبێ فەرمانی دادوەری لەلایەن هێزەئەمنیەکانەوە دەستبەسەرکرا و بۆ گرتووخانەی ئیتلاعاتی ئەو شارە گوازرایەوە. ئەم چالاکە مەدەنیە و بەندکراوی سیاسی پێشوو ، لە کاتێکدا بەندکراوە کە تۆمەتی «دروشم دژی ڕژێم» خراوەتە پاڵ دۆسیەکەی.
سەرچاوەیەکی ئاگادار ڕایگەیاندوە کە دانا لەنج ئاوایی، پێنجشەمە ٣ ڕەشەمەی ١٤٠٢، بە هەمان تۆمەت، لەلایەن دادگەی گشتی مەریوانەوە ، بڕیاری دەستبەسەرکرانی یەک مانگە دراوە.
شایانی باسە،پێشتریش «دانا لەنج ئاوایی» بە تۆمەتی «دروشم دژی ڕژێم» بە ١ ساڵ بەندیکرانی تەعزیری و «تێکدانی ئاسایشی گشتی» بە ٨ مانگ وو ٥٠ لێدانی شەلاق لە ١٣٩١ سزادرابوو.
