پویا خزری، لاوێکی خەڵکی شاری مەهاباد، لەلایەن هێزە ئەمنییەکانی ئەو شارە دەستبەسەر و بۆ یەکێک لە گرتووخانەکانی ئیدارەی ئیتلاعاتی ورمێ ڕاگوێزرا.
بەپێی ڕاپۆرتی کۆڵبەرنیوز، ئێوارەی ڕۆژی سێشەممە ١٨ی ڕەزبەری ١٤٠٢، پویا خزری، لاوێکی خەڵکی شاری مەهاباد، لەلایەن هێزە ئەمنییەکانی ئەو شارەوە دەستبەسەر و بۆ یەکێک لە گرتووخانەکانی ئیدارەی ئیتلاعاتی ورمێ ڕاگوێزرا.
بەپێی ئەم ڕاپۆرتە، هێزە ئەمنییەکان هەڵیانکوتەوەتە سەر ماڵەکەی لە گەڕەکی “پشتەپ”، لە شاری مەهاباد و ئەم هاووڵاتییەیان دەستبەسەر کردووە.
هێزە ئەمنییەکان ئەم لاوەیان دەستگیرکردووە بەبێ ئەوەی فەرمانی دادگایان پێبدرێت.
تا بڵاوبوونەوەی ئەم ڕاپۆرتە هیچ زانیارییەک لەسەر هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
