ڕۆژی پێنجشەممە ٢٤ی جۆزەردانی ١٤٠٣، بەلەمێکی پەنابەران لە نزیکی کەنارە ئاوییەکانی ئیتاڵیا نقووم بوو و زیاتر لە ٦٠ پەنابەر گیانیان لەدەستدا.
بەپێی ڕاپۆرتی کۆڵبەرنیوز، بەلەمێکی پەنابەران کە زۆرینەیان خەڵکی کوردستان بوون، ڕۆژی دووشەممە ٢١ی جۆزەردانی ١٤٠٣، لە کەنارە ئاوییەکانی بودرومی تورکیە بەرەو ئاوە ئازادەکان و وڵاتی ئیتاڵیا بەڕێکەوت و پاش تێپەڕبوونی ٣ ڕۆژ، لە ڕۆژی پێنجشەممە ٢٤ی جۆزەردانی ١٤٠٣ لە نزیکی کەنارە ئاوییەکانی ئیتاڵیا تووشی ڕووداو بوو و نقوم بوو.
پۆلیسی ئیتاڵیا پاش تێپەڕبوونی ٤ ڕۆژ لە ڕۆژی دووشەممە ٢٨ی جۆزەردانی ١٤٠٣، بۆ شوێنی ڕووداوەکە ڕۆیشتن و توانیان تەنیا ١٠ کەس لە پەنابەران ڕزگاربکەن. لەم ڕووداوەدا لانیکەم ٦٠ پەنابەر لە ٧٠ پەنابەری ئەم بەلەمە گیانیان لەدەستدا.
