بەیانی ئەمڕۆ ١٧ی ڕەزبەری ١٤٠٢، کۆڵبەرێکی ١٦ساڵ تەمەن بە تەقەی ڕاستەوخۆی هێزەکانی هەنگی مەرزی لە نەواری مەرزی نۆدشە بەسەختی برینداربوو.
بە پێی ڕاپۆرتی کۆڵبەرنیوز، بەیانی ئەمڕۆ چوارشەممە ١٧ی ڕەزبەری١٤٠٢، کۆلبەرێک بە ناوی «مۆبین (پاشناونادیار)» ١٦ ساڵ تەمەن وخەڵکی نۆدشە بە تەقەی ڕآستەوخۆی هێزەکانی هەنگی مەرزی بەسەختی برینداربوو.
شایانی باسە کە ئەو کۆڵبەرە بۆ چارەسەری برینەکانی ڕاگوێزی ناوەندە دەرمانیەکانی نۆدشە کراوە و وتراوە کە بە هۆی سەختی برینەکانیەوە مەترسی بڕینەوە ئەندامێکی جەستەی لەسەرە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە و برینداربوون . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
