“ئەیوب ڕەسوڵزادە”، هاووڵاتی شاری پیرانشار، بەدانانی بارمتە، لە زیندانی شاری نەغەدە ئازاد کرا.
بەپێی ڕاپۆرتی کۆڵبەرنیوز، ڕۆژی یەکشەممە ٦ی جۆزەردانی ١٤٠٣، ئەیوب ڕەسوڵزادە لە زیندانی شاری نەغەدە ئازاد کرا. بەپێی ئەم ڕاپۆرتە ناوبراو بە دانانی بارمتەی دوو ملیارد و پێنج سەد میلیۆن تمەن ئازاد کراوە.
ئەم چالاکە ژینگەپارێزە لە ١٩ی گوڵانی ١٤٠٣، بەبێ فەرمانی دادگا لەلایەن هێزە ئەمنییەکانەوە دەستبەسەر کرا. ناوبراو دوای تەواوبوونی پرۆسەی لێپرسینەوە لە گرتووخانەی ئیدارەی ئیتلاعاتی شاری ورمێ بۆ زیندانی شاری نەغەدە گواسترایەوە.
تا کاتی نوسینی ئەم ڕاپۆرتە، هیچ زانیارییەک لەسەر ئەو تۆمەتانەی کە ئاراستەی ئەم هاوڵاتییە کراوە لەبەردەستدا نییە.
