“یاسر حوسێنی” هاووڵاتی دانیشتووی شاری کامێران، سەرەڕای تێپەڕبوونی ١٧ ڕۆژ بەسەر دەستبەسەرکرانیدا، تا ئێستاش لە دەستبەسەری و بێ چارەنووسیدا بەسەردەبات. بێ هەواڵی لە بارودۆخی ئەم هاووڵاتییە بووەتە هۆی نیگەرانی بنەماڵە و کەسوکارەکەی.
بەپێی ڕاپۆرتی کۆڵبەرنیوز، یاسر حوسێنی تا ئێستا هەر دەستبەسەرە. سەرەڕای تێپەڕبوونی ١٧ ڕۆژ بەسەر دەستبەسەرکرانی و بەدواداچوونە بەردەوامەکانی بنەماڵەکەی لە دەسەڵاتی دادوەری و ئەمنی، لایەنە پەیوەندیدارەکان ڕەتیدەکەنەوە وەڵامێکی ڕوون سەبارەت بە بارودۆخ و شوێنی ڕاگیرانەکەی بدەنەوە. ئەم بابەتە بۆتە هۆی نیگەرانی بنەماڵەکەی و کەسوکاری ئەم هاوڵاتییە.
“یاسر حوسێنی” تەمەن ٢٥ساڵ و خەڵکی شاری کامێران، لە ٢٣ی ڕێبەندانی ١٤٠٢ لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.
