دانا قوربانی هاوڵاتی کامێران دوای دانانی کەفالەت لە زیندانی ئەم شارە ئازاد کرا.
بە پێی ڕاپۆرتی کۆڵبەرنیوز، ئەمڕۆ پێنجشەممە ٢٢ی پووشپەڕی ساڵی ١٤٠٢، دانا قوربانی لە زیندانی کامیاران ئازاد کرا. بە پێی ئەم ڕاپۆرتە، دانا قوربانی بە دانانی بارمتە ئازاد کراوە.
لە ٢١ی جۆزەردانی ساڵی ١٤٠٢، دانا قوربانی بە بێ فەرمانی دادگا لە شوێنی کارەکەی لە لایەن هێزە ئەمنییەکانەوە دەستبەسەر و بۆ گرتووخانەی ئیدارەی ئیتلاعاتی سنە گوازرایەوە. دواجار ئەم هاوڵاتیە دوای پرۆسەی لێپرسینەوە بۆ زیندانی کامیاران گواسترایەوە.
دانا قوربانی تەمەن ١٩ ساڵ، کوڕی ئەسەد، کوڕەزای حەیدەر قوربانی، زیندانی سیاسی لەسێدارەدراو و هاوڵاتی کامیارانە.
تا ساتی نوسینی ئەم ڕاپۆرتە هیچ زانیارییەک لەسەر ئەو تۆمەتەی کە ئاراستەی ئەم هاوڵاتیە کراوە لەبەر دەستدا نییە.
