فەریدە قارەمانیفەر، مامۆستای خانەنشین و چالاکی کۆمەڵەی فەرهەنگی خانەنشینکراوی کرماشان، لەلایەن هێزە ئەمنییەکانی کرماشانەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی دووشەممە ٢٧ی خەرمانانی ١٤٠٢، فەریدە قارەمانیفەر، مامۆستای خانەنشین و چالاکی کۆمەڵەی فەرهەنگی خانەنشینی کرماشان، لەلایەن هێزە ئەمنییەکانی کرماشانەوە دەستبەسەر و بۆ شوێنێکی نادیار ڕاگوێزرا.
بەپێی ئەم ڕاپۆرتە، هێزە ئەمنییەکان هەڵیانکوتایە سەر ماڵی ئەم چالاکی سەندیکای فەرهەنگیە و دەستبەسەریان کرد. جێگای ئاماژەیە کە لە چەند ساڵی ڕابردوودا چەندین جار لەلایەن ناوەندە ئەمنییەکانەوە بانگهێشت و لێپرسینەوە لەگەڵ ناوبراو کراوە.
هێزە ئەمنییەکان بەبێ فەرمانی دادگا ئەم هاوڵاتیەیان دەستگیر کردووە. تا کاتی نووسینی ئەم هەواڵە هیچ زانیارییەک لەسەر شوێنی مانەوە و هۆکاری دەستگیرکرانی ئەم هاوڵاتییە نییە.
