کۆڵبەرێکی لاو لە سەر سنووری نەوسوود بە تەقەی ڕاستەوخۆی هێزەکانی رژیم کوژرا.
بە پێی هەواڵی گەیشتوو بە ماڵپەڕی کۆڵبەرنیوز سەر لە بەیانی ڕۆژی سێ شەممە 30 خاکەلێوەی 1401 کۆڵبەرێکی تەمەن 30 ساڵ بەناوی “ئارش نووری” دەکەویتە بەر دەسڕێژی تەقەی ڕاستەوخۆی هێزەکانی سوپای پاسداران لەم سەر سنووری نەوسوود و بەسەختی بریندار دەبێت.
ئەم کۆڵبەر بەهۆی قوڵی برینەکەی بە هەلی کۆپتێر دەگەیندرێتە نەخۆشخانەیەکی شاری کرماشان بەڵام پاش چەن کاتژمێر مل ملانێ لەگەڵ مەرگ، بەهۆی سەختی برینەکەیەوە گیان لەدەست ئەدات.
شایانی باسە کە ئەم کۆڵبەرە دانیشتووی شاری جوانڕۆ و خاوەنی هاوسەر و منداڵێک بوو و هەروەها هاوسەری ئەم کۆڵبەر دووگیانە.
