بەهۆی تەقەی چەکدارێک لە ئۆردوگایەکی پەنابەران، ٥ پەنابەر کە دووکەسیان کوردن کوژران.
بەپێی ڕاپۆرتی کۆڵبەرنیوز ڕۆژی شەممە ٢٤ی سەرماوەزی ١٤٠٣ چەکدارێکی تەمەن ٢٢ ساڵ لە ئۆردوگایەکی پەنابەران لە دانکۆرکی فەڕانسە تەقەی کرد و بەهۆیەوە ٥ پەنابەر کە دووکەسیان خەڵکی شاری مەریوانن کوژران. بەپێی ئەم ڕاپۆرتە بکوژ پاش ئەنجامدانی ئەم تاوانە لە بنکەیەکی پۆلیس لە باکوری فەڕانسە خۆی ڕادەستی پۆلیس کردووە.
لێکۆڵینەوەکان لەم بارەیەوە بەردەوامن و تا ئێستا زانیاریەک لە پاڵنەرەکانی ئەم بکوژە لەبەردەستدا نییە. زانیاریەک لە ناسنامەی ئەم ٢ پەنابەرە کوردەی خەڵکی شاری مەریوان تا ئێستا لەبەردەستدا نییە. شایانی باسە لەم تەقەکردنەدا ٢ سەربازی پاسەوانی ئۆردوگاکە کوژراون.
