فەرەیدوون تۆبەکار، هاووڵاتیی خەڵکی ڕەبت لە شاری سەردەشت، لەلایەن هێزە ئەمنییەکانی ئیدارەی ئیتلاعاتی شاری ورمێ دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی هەینی نۆزدەی گوڵانی ١٤٠٤، فەرەیدوون تۆبەکار، هاووڵاتی خەڵکی بەشی ڕەبت لە شاری سەردەشت و خاوەن ئیمتیازی یەکی چاپخانە لەم شارەدا، لەلایەن هێزەکانی ئیدارەی ئیتلاعاتی شاری ورمێ دەستبەسەر و بۆ شوێنێکی نادیار گواسترایەوە.
بەپێی ئەم ڕاپۆرتە، سەرەڕای تێپەڕینی شەش ڕۆژ بەسەر دەستبەسەرکرانی ناوبراودا، تا ئێستا هیچ زانیارییەک لە شوێنی مانەوە، هۆکارەکانی دەستبەسەری یان تۆمەتەکانی دژی ناوبراو بەردەست نییە.
ئەم دۆخە نیگەرانییەکانی لە نێو بنەماڵە و کەسوکاری فەرەیدوون تۆبەکار لەبارەی سەلامەتی و دۆخی یاسایی ناوبراودا دروستکردووە.
