زەهرا محەممەدوەلی، هاووڵاتیی تەمەن ٢٧ ساڵی خەڵکی ئاودانان و دانیشتووی دێهلوران، بە تێپەڕبوونی هەشت ڕۆژ بەسەر کاتی دەستبەسەرکردنیدا لەلایەن هێزەکانی ڕژێم، هێشتا لە دۆخێکی نادیاردا دەژیت و هیچ زانیارییەک لەسەر شوێنی ڕاگرتن و دۆخی ناوبراو لەبەردەستدا نییە.
بەپێی ڕاپۆرتی کۆڵبەرنیوز لە ڕۆژی ٢ی جۆزەردانی ١٤٠٥دا، زارا محەممەدوەلی لەلایەن هێزەکانی ڕژێم و بەبێ سزای دادوەری دەستبەسەرکرا و بۆ شوێنێکی نادیار گوازرایەوە. سەرەڕای تێپەڕبوونی هەشت ڕۆژ بەسەر ئەم دەستبەسەرکردنەدا، بنەماڵەکەی هێشتا لە چارەنووس و شوێنی ڕاگرتنی بێ ئاگان.
بەپێی زانیارییە بەدەستهاتووەکان، ئەم هاووڵاتییە لە ماوەی دەستبەسەرکردنیدا لە پارێزەر، پەیوەندیی تەلەفۆنی و چاوپێکەوتن لەگەڵ بنەماڵەکەی بێبەش کراوە. هەروەها تا ئێستا هیچ ڕوونکردنەوەیەک لەسەر هۆکارەکانی دەستبەسەرکردن یان تۆمەتەکانی دژی ناوبراو لەلایەن دامەزراوە ئەمنی و دادوەرییەکانەوە نەدراوە.
بەردەوامیی بێ ئاگایی لە دۆخی زارا محەممەدوەلی، نیگەرانیی بنەماڵە و کەسوکاری لێکەوتووەتەوە و بەدواداچوونەکانی ئەوانیش بۆ بەدەستهێنانی زانیاری لەسەر دۆخی ناوبراو تا ئێستا بێئەنجامە.
